أعرب المخرج المصري عمرو سلامة عن استيائه الشديد من بعض التصرفات التي يشهدها داخل قاعات السينما في الفترة الأخيرة. وأكد أن سلوك عدد من المشاهدين أصبح يؤثر سلباً على تجربة متابعة الأفلام، محذراً من تفاقم هذه الظاهرة.
تفاصيل الانتقادات
وكتب عمرو سلامة عبر حسابه الرسمي على موقع فيسبوك: "تجربة دخول السينما بقت ساعات بتتحول لكابوس، في ظاهرة قذرة بتزيد بشكل واضح". وأضاف: "عدد من الناس اللي في قاعة السينما اللي عندهم قلة ذوق وقلة أدب وكلاحة وبجاحة إنهم مش محترمين باقي القاعة ومستعدين يتكلموا ويهرجوا بصوت عالي أو عادي جدا يردوا على التليفون أو يفتحوه ويلعبوا ألعاب على الموبايل ونوره يضايق اللي حوليهم والأقذر تلاقيه حاطط جزمته فوق دماغك كإنه قاعد في زريبة".
دعوة للإدارة
وتساءل سلامة: "إمتى بقى في إنعدام للإحساس والإدراك إنك بتضايق واحد جنبك وبتعكنن عليه وتبوظ تجربته اللي دافع فيها فلوس؟". وأكد على ضرورة تدخل إدارة السينمات بحزم، قائلاً: "لازم على إدارة السينمات تتعامل مع الموضوع ده بحزم أكثر وتاخد إجراءات مع كل المزعجين وتطلب منهم تسيب السينما، لإن ناس كثير بقت مش عايزة تروح السينما لإنها مش هتعرف تتفرج وتتفاعل مع الفيلم وده معناه حتميا إيرادات أقل وخسائر للسينمات نفسها".
واختتم المخرج رسالته قائلاً: "وللمزعجين أرحمونا يرحمكم الله، وعلى كل متضرر مايسكتش وياخد حقه وياخد موقف مع إدارة السينمات لحد ما نعرف نخش فيلم ونعرف فعلا نتفرج عليه".
